Tèt fè mal tansyon
Tèt fè mal tansyon an bay yon doulè soud epi pèsistan nan chak bò tèt yo. Ou santi doulè a tou nan kou a epi dèyè tèt la. Je w yo ka fatige tou. Gen anpil faktè ki ka deklanche tèt fè mal tansyon yo. Tankou:
 |
| Mase misk kou w yo ka ede w soulaje tansyon tèt fè mal yo. |
Pou ede prevwa tèt fè mal tansyon yo
Swiv etap sa yo:
-
Asire w ke anviwonman travay ou a fèt pou evite w fatig nan kou ak nan je.
-
Asire w ke preskripsyon linèt ou a ajou epi l koresponn ak travay w ap fè a.
-
Aprann fason pou w detann ou epi redui estrès emosyonèl. Sa yo gen ladan yo respirasyon pwofond, relaksasyon pwogresif, yoga, meditasyon, ak retroaksyon biyolojik.
-
Kenbe yon pwogram egzèsis regilye. Travay avèk doktè w la sou sa a. Egzèsis yo ka ede w kenbe kou w ak do w fleksib, fò, epi detann yo.
Pou soulaje doulè a
Swiv etap sa yo:
-
Itilize chalè imid pou detann misk yo. Kite kò w tranpe nan yon beny cho oubyen woule yon sèvyèt cho epi imid nan wonn kou w.
-
Pa bwose po tèt ou fò epi bwose l avèk yon bwòs ki pa di.
-
Ofri tèt ou yon masaj. Petri mis ki soti nan zepol ou yo pou ale dèyè kràn ou.
-
Itilize yon sak glas. Aplike l kote w santi doulè a egzat.
-
Repoze w. Dòmi souvan ede soulaje tèt fè mal.
-
Bwè anpil likid. Dezidratasyon an se yon deklannchè tèt fè mal. Pa bwè alkòl. Sa ap fè dezitratasyon an vin pi grav.
-
Itilize analjezik lè sa nesesè pou yon doulè ki soti nan modere rive nan grav. Pa pran medikaman pou doulè plis pase de fwa nan yon semèn. Sa a ede w evite tèt fè mal lè w pran twòp medikaman lakoz.
© 2000-2026 The StayWell Company, LLC. All rights reserved. This information is not intended as a substitute for professional medical care. Always follow your healthcare professional's instructions.