Heart Palpitations

Tumutukoy ang mga palpitation sa pakiramdam na ang iyong puso ay mabilis o iregular ang pagtibok. Inilalarawan ito ng ibang tao na "bumabayo" o "lumalaktaw na mga tibok". Maaaring mangyari ang mga palpitation sa mga taong may sakit sa puso, ngunit pwede ring mangyari sa mga malusog na tao.

Mga kaugnay-sa-pusong sanhi:

• Arrhythmia (isang pagbabago mula sa normal na rhythm ng puso)

• Sakit sa mga balbula ng puso

Mga hindi-kaugnay-sa-pusong sanhi:

• Ilang mga gamot (gaya ng mga inhaler para sa hika at pang-alis ng bara ng ilong)

• Ilang mga supplement na herbal, energy drinks at pills, at mga pampabawas ng timbang na pills

• Iligal na mga drogang pang-stimulant (gaya ng cocaine, crank, methamphetamine, PCP)

• Caffeine, alkohol at tabako

• Mga kalagayang medical gaya ng sakit sa thyroid, anemia, pagkabalisa at panic disorder

Kung minsan ay hindi matagpuan ang dahilan.

PANGANGALAGA SA BAHAY:

1. Iwasan ang labis na caffeine, alkohol, tabako at anumang mga drogang stimulant.

2. Sabihin sa iyong doktor ang tungkol sa anumang ipinayo o over-the-counter na mga herbal na gamot na ginagamit mo.

MAG-FOLLOW UP sa iyong doktor o gaya ng ipinag-uutos ng aming staff.

MAKAKUHA NG MABILIS NA ATENSYONG MEDIKAL kung mangyari ang alinman sa sumusunod na may mga palpitation:

• Panghihina, pagkahilo, pakiramdam na gumaan ang ulo o pagkahimatay

• Pananakit ng dibdib o kakapusan ng hininga

• Mabilis na tibok ng puso (mahigit 120 tibok bawat minuto, nang nakapahinga)

• Mga palpitation na tumatatagal ng 20 minuto

• Panghihina ng isang braso o binti o isang bahagi ng mukha

• Nahihirapan sa pagsasalita o paningin